Asóciate
Ser socia é ser parte da cooperativa, asóciate e contribúe ao cambio, e ademais podes beneficiarte de descontos e promocións.
Por que facerme socia?
A razón principal para sumarse ao cambio no modelo de consumo é mudar a maneira na que producimos e cambiar a nosa relación coa terra e coas persoas. Móvenos a idea do consumo consciente, que resumimos en «consumir menos, consumir sen mercar e mercar con criterio».
Entendemos que os nosos actos de compra contribúen a modelar o mundo no que vivimos; aínda que o consumo consciente ou responsable non chega por si mesmo para transformar en positivo a sociedade na que vivimos, si pode ser unha axuda para avanzar nese sentido.
No seguinte vídeo contámosche como funciona a nosa cooperativa.
Alimentos de calidade
Produtos ecolóxicos, locais, de tempada e de comercio xusto para todas as persoas
O poder do colectivo
Cantas máis persoas socias, maior capacidade de cambio
Unha persoa, un voto
A esencia do cooperativismo e dun proxecto democrático e participativo
Descontos para socias
Acceso a produtos de calidade a un prezo o máis accesible posible
Como facerme socia?
Infórmate
Participar nunha cooperativa significa entender os seus estatutos, valores, deberes e dereitos. É importante que comprendas a visión e a misión de Árbore (máis abaixo podes descargar os Estatutos e o Regulamento de Réxime Interno da cooperativa; ademais, tes máis información no apartado Quen somos deste sitio web).
Enche o formulario
Pedirémoste algunha información de carácter persoal (nome, enderezo de correo electrónico e número de teléfono) para contactar contigo e ter ocasión de coñecerte mellor e responder a calquera dúbida adicional que poidas ter. Preme o botón "Faite socia" máis abaixo.
Achega o capital social
Como en calquera cooperativa, o teu rexistro como persoa socia comeza coa adquisición dunha participación no capital social, que che fai coproprietaria de Árbore e implica unha serie de dereitos e obrigas. Unha vez aprobada a túa solicitude, terás que pagar 90 € para formalizar a túa incorporación como socia.
Xa son socia, e agora que?
cota mensual
desconto xeral
desconto na cesta básica
consumo mínimo anual
Cota mensual
Para acceder aos descontos que mencionamos a continuación, as socias achegan unha cota de 6€ ao mes (72 €/ano).
Descontos
As persoas socias poden mercar en Árbore cun desconto a respecto dos prezos para o público xeral. Na última asemblea de 2023, actualizáronse os tipos de descontos.
Deberes das socias
O teu compromiso con Árbore consiste en cumprir coas achegas mencionadas máis arriba, consumir cando menos 100€ ao ano na tenda e asistir ás asembleas xerais.
Dereitos das socias
Ademais de acceder aos descontos, polo feito de ser socia tes voz e voto nas asembleas, podes participar nos órganos internos da cooperativa e podes ser elixida para ocupar cargos sociais.
Desconto xeral do 5%
Desconto do 12% nos produtos da cesta básica (inclúe todo o fresco local)
Estatutos Regulamento de Réxime Interno Faite socia