Cooperativa de consumidoras
Consumo Consciente Árbore, Soc. Coop. Galega é unha cooperativa de consumidoras fundada no 2001 co obxectivo de promover un consumo que se responsabiliza das consecuencias económicas, ecolóxicas e sociais das nosas formas de alimentación.
En Árbore vendemos produtos ecolóxicos, veganos e vexetarianos, facémolo sempre tendo en conta todas as partes implicadas e traballamos con multitude de produtos de orixe ecolóxica. Na nosa tenda de Vigo poderás atopar dende produtos de alimentación até cosméticos, pasando por artigos de hixiene, suplementos nutricionais etc.
![](/web/image/1520-2cd910d5/ecoloxismo2.jpg)
Ecoloxismo
Unha forma de practicar o ecoloxismo é mediante a compra de produtos a granel. Ademais de abaratar custos, podes prescindir do uso de envases innecesarios e mercar só o que precisas.
Por outra banda, en Árbore sempre ofrecemos envases ecolóxicos e biodegradables. Deste xeito tratamos de asegurarnos de que o noso planeta non sufra as consecuencias dos nosos intercambios comerciais.
![](/web/image/1519-31b412d8/comercio%20xusto2.jpg)
Comercio xusto
Coa nosa actividade económica procuramos coidar as relacións con todas as nosas provedoras; as máis próximas e tamén as que quedan máis lonxe, normalmente en países do Sur Global.
Buscamos manter o delicado equilibrio entre uns prezos o máis accesibles posibles para as nosas socias e clientas, e unhas condicións laborais e prezos dignos para todas as persoas que participan na produción dos bens que ofrecemos na tenda.
![](/web/image/1521-07178165/econom%C3%ADa%20social2.jpg)
Economía solidaria
Cremos nunha forma diferente de economía, na que as empresas se xestionan democraticamente, antepoñan os dereitos das persoas, e buscan o impacto social positivo e o coidado do medio.
Por todo isto, somos socias de REAS (Rede de Economía Alternativa e Solidaria) e compartimos e nos rexemos pola súa Carta de Principios.
![](/web/image/1522-8180f98d/consumo%20consciente.jpg)
Consumo responsable
No corazón da nosa cooperativa está o compromiso co consumo consciente. Proporcionamos acceso a alimentos ecolóxicos, saudables e respectuosos co medio ambiente.
Facémolo de forma transparente, para que ti, socia/clienta, poidas tomar decisións informadas e para que entre todas poidamos consumir de forma responsable coas persoas (tamén as xeracións futuras) e co planeta.
Como nos organizamos?
Asemblea
A Asemblea de Persoas Socias é o máximo órgano de decisión da cooperativa. A ela corresponde deliberar sobre a política xeral da entidade e tomar decisións de especial relevancia.
Consello Reitor
O Consello Reitor é o órgano de goberno, xestión e representación da sociedade cooperativa. É o organismo encargado de levar á práctica o decidido na Asemblea Xeral e estar en contacto permanente coas socias traballadoras para axilizar a xestión cotiá da tenda.
Socias consumidoras
As socias consumidoras son a columna vertebral da cooperativa. As súas eleccións informadas guían a selección de produtos ecolóxicos e provedoras responsables. A súa participación activa fomenta unha comunidade comprometida coa sustentabilidade.
Socias traballadoras
O día a día da tenda é xestionado polas socias traballadoras, que se encargan de atender a clientela, tratar coas provedoras, manter a tenda e xestionar temas administrativos, en comunicación directa co Consello Reitor.